Çka bisedoi Blinken me Erdoganin?

15:52 | 6 Janar 2024
R J

Kryediplomati i administratës së presidentit amerikan, Joe Biden u takua sot në Stamboll me presidentin turk, Recep Tayyip Erdogan, kritik i ashpër i veprimeve ushtarake të Izraelit në Gaza.

Sekretari amerikan i Shtetit, Antony Blinken u takua sot me liderin e Turqisë para takimit me liderin e Greqisë, në një turne që zgjati një javë i cili kishte për qëllim të qetësoj ternsionet që janë rritur në Lindjen e Mesme që nga fillimi i luftës Izrael-Hamas.

Blinken dhe ministri i Jashtëm Hakan Fidan diskutuan për luftën dhe krizën humanitare në Gaza dhe ratifikimin e anëtarësimit të Suedisë në NATO, njoftoi Ministria e Jashtme turke, raporton aa transmeton Arbresh.info.

Procesi i gjatë i ka hidhëruar zyrtarët amerikanë, por kanë besim se Ankaraja së shpejti do të miratojë pranimin e Suedisë në NATO.

Ligjvënësit amerikanë kanë vonuar shitjen e aeroplanëve luftarakë F-16 në Turqi derisa ajo të ratifikojë anëtarësimin e Suedisë në aleancën më të fuqishme ushtarake./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm